30 СЕНТЯБРЯ - праздник ВЕРЫ НАДЕЖДЫ ЛЮБОВИ И МАТЬ ИХ СОФЬИ

30 СЕНТЯБРЯ ВЕРА НАДЕЖДА ЛЮБОВЬ И МАТЬ ИХ СОФЬЯ



30 сентября по новому стилю у православных день памяти святых Веры, Надежды, Любви и их матери Софьи - христианских великомучениц, принявших смерть за Иисуса Христа и даже в страшных пытках не отвернувшихся от него.

Во втором веке во время царствование императора Адриана в Риме жила благочестивая вдова София. Она проводила благоразумную христианскую жизнь, исполненную мира, чистоты, кротости, покорности воле Божией, милости и добрых дел, в чем заключается истинная мудрость христианская.
Благочестивая София имела трех дочерей, носивших имена важнейших христианских добродетелей.

Старшей было имя Вера, младшей Надежда, а самая меньшая именовалась Любовью. Их мать, лишившись после рождения третьей дочери своего супруга, посвятила всю свою жизнь на христианское воспитание своих дочерей, стараясь, чтобы они в жизни проявляли те добродетели, именами которых они назывались.

Дочери Софии изучали апостолськие и пророческие книги, постоянно внимая поучениям наставников. Отличаясь ревностью к богослужению и молитве, все три девушки были очень красивы и благоразумны. Естественно, что благочестивое семейство обратило на себя всеобщее внимание. Слух о них, распространившись по всему Риму, достиг и до начальника области Антиоха, который пожелал видеть выдающееся семейство.

Благочестивая семья не стала скрывать пред Антиохом своей преданности Христу, высказав при этом пренебрежение к идолослужению. Антиох донес обо всем императору, и Адриан велел привести христиан к нему. София поняла, зачем зовет их царь. И вот исповедницы Христа обратились с молитвою к Богу: «Всесильный Боже, сотвори с нами по Твоей святой воле; не оставь нас, но пошли нам Твою святую помощь, чтобы сердце наше не устрашилось гордого мучителя, чтобы не убоялись мы страшных его мучений и не пришли в ужас от смерти; пусть ничто не отторгнет нас от Тебя, Бога нашего».

Придя а дворец императора, Вера, Надежда, Любовь и София стали перед Адрианом без всякого смущения и трепета. Лица их сияли радостью, как будто они явились на пир. Царь, видя бесстрашные и воодушевленные веселием лица их, спросил об их роде, именах и вере. Мать, упомянув о происхождении своем и имени, начала излагать учение о Христе, имени которого должен поклоняться всякий род, прибавив, что и она с своими дочерьми поклоняется Христу и исповедует веру в Сына Божия.

Адриан, услышав все это, но не желая вступать в продолжительную беседу с Софиею, отослал христианок к одной знатной женщине, Палладии. Он поручил ей наблюдение за всем семейством, которое через три дня должно было снова предстать для суда перед ним. Живя в доме Палладии, София день и ночь утверждала своих дочерей в вере.  И когда Адриан вызвал их на допрос, у Веры, Надежды и Любви сложилось уже твердое намерение все перенести ради Господа.

Император Адриан предложил Вере, Надежде, Любви и Софьи поклониться языческим богам. Он обещал объявить их своими дочерьми, осыпать богатствами, похвалами и почетами, если сестры с матерью примут языческую веру. Если же они будут упорствовать, Адриан обещал придать их лютой смерти и отдать псам на растерзание.

Святые сестры Вера, Надежда и Любовь единодушно сказали императору, что у них один отец - Бог живущий на небесах. И только его заповеди и повеления они исполняют. Они сказали, что презирают всех других богов и готовы страдать и переносить  мучения ради  Иисуса Христа.

Царь удивлен был мужеством столь юных девушек. И вот он решил склонять к нечестию каждую из девиц в отдельности. Но сестры были крепки в своей вере и, несмотря на царские посулы и последовавшие за ними нечеловеческие пытки, не отказались от своей христианской веры. Сестры на глазах матери были казнены палачами императора Адриана, а Софью он помиловал, чтобы увеличить страдания матери, которая пережила своих дочерей. На момент принятия мученической смерти Вере было 12 лет, Надежде — 10 и Любови — 9.

Софья взяла честные тела своих дочерей, положила их в дорогой гроб. Поставив его на погребальную колесницу, она отвезла останки своих возлюбленных дочерей на некоторое расстояние от города. Нашедши высокий холм, София предала их погребению. Три дня она провела на могиле своих дочерей, усердно молясь Господу и плача. В таком состоянии мудрая София предала и дух свой Господу, отошедши к дочерям своим. Верующие с честью похоронили святую мать на одном холме с ее детьми.

Святая церковь чтит и святую Софию за мученицу, потому что, если не телом, то сердцем своим она претерпела ужаснейшие истязания за Христа, видя бесчеловечные терзания своих возлюбленных дочерей. Кончина всего благочестивого семейства последовала в 137 году. Святые мощи Софии, Веры, Надежды и Любови покоятся с 777 года в городе Эльзасе.

Молитва Вере, Надежде, Любви и Матери их Софии

Вера, Надежда, Любовь и мать их Софья - святые мученицы, жившие в Риме во втором веке и казненные за христианскую веру императором Адрианом. Молитва Святым мученицам Вере, Надежде, Любови и матери их Софьи дарует людям мудрость, помогает укрепить в сердце веру, надежду и любовь - три главные христианские добродетели, придаёт силы чтобы преодолеть жизненные трудности.

День памяти святых великомучениц 30 сентября по новому стилю ( 17 сентября по старому стилю).

Молитва святым великомученицам Вере, Надежде, Любови и матери их Софьи
"О святыя и достохвальнии мученицы Веро, Надеждо и Любы, и доблестных дщерей мудрая мати Софие, к вам ныне притецем со усердною молитвою; что бо паче возможет предстательствовати за ны пред Господем, аще не вера, надежда и любы, три сия краеугольныя добродетели, в нихже образ нареченныя, самою вещию тыя явисте! Умолите Господа, да в скорбех и напастех неизреченною благодатию Своею покрыет ны, спасет и сохранит, яко благ есть и Человеколюбец. Того славу, яко солнце незаходимое, ныне зряще светолепну, споспешествуйте, нам во смиренных молениих наших, да простит Господь Бог грехи и беззакония наша, и да помилует нас грешных и недостойных щедрот Его ради. Молите убо о нас, святыя мученицы, Господа нашего Иисуса Христа, Емуже славу возсылаем со Безначальным Его Отцем и Пресвятым и Благим и Животворящим Его Духом, ныне и присно и во веки веков. Аминь."

Вторая молитва Вере, Надежде, Любви
"Вас, святыя мученицы, Веро, Надеждо и Любы, славим, величаем и ублажаем, купно с мудрою материю Софиею, ейже покланяемся, яко образ богомудраго попечения являющей. Умоли, святая Веро, Творца видимых и невидимых, да веру крепку, неблазненну и нерушиму подаст нам. Ходатайствуй, святая Надеждо, пред Господом Иисусом за нас грешных, да упование на благая Своя не отженет от нас, и от всякия скорби и нужды да избавит ны. Исповеждь, святая Любы, Духу истины, Утешителю, напасти и печали наша, да Той свыше сладость небесную низпослет душам нашим. Помозите убо в бедах наших, святыя мученицы, и, купно с мудрою материю вашею Софиею, молите Господа Бога, да сохранит под покровом Своим Церковь Свою Святую. Такожде и о всех нас вашего теплаго предстательства пред Богом усердно молим, да купно с вами и со всеми святыми превознесем и препославим пресвятое и великое имя Отца и Сына и Святаго Духа Бога, предвечнаго Владыки и благих Содетеля, ныне и присно и во веки веков. Аминь."

Третья молитва мученицам Вере, Надежде, Любви и матери их Софьи
"О святыя мученицы Веро, Надеждо и Любы, и мудрая мати Софие! К вам ныне со усердною молитвою притекаем. Умолите убо Господа, да в скорбех и напастех неизреченною благодатию Своею покрыет ны, раб Своих (имена), и сохранит, и Того славу, яко солнце незаходимое, зрети да сподобит. Споспешествуйте нам во смиренных молениих наших, да простит Господь Бог грехи и беззакония наша, и да помилует нас, грешных, и щедрот Своих да сподобит нас Христос Бог, Емуже славу возсылаем, со Безначальным Его Отцем, и Пресвятым и Благим и Животворящим Его Духом, ныне и присно и во веки веков."

Акафист Вере, Надежде, Любви и матери их Софьи

Кондак 1
Избранным рабам Господа Вседержителя, Вере, Надежде и Любви, и мудрей матери Софии, похвальная вам пения умиленно возносим. Вы же, яко дерзновение ко Христу Богу имуще, молитися за ны, во еже избавитися нам грехов и скорбей, да благодарственно вопием вам:
Радуйтеся, Веро, Надеждо и Любы, купно с Софиею, материю вашею премудрою.

Икос 1
Ангели на Небеси радовахуся, добродетельное житие ваше зряще, еже провождасте в чтении Писаний Божественных, в трудех, посте, молитве и милостыни, материю вашею непрестанно сущи поучаеми, да явитеся образи живии триех богословских добродетелей, ихже именами наречены бысте. Мы же, таковей мудрости матере вашея и совершенному благоразумию вашему дивящеся, благоговейно рцем вам:
Радуйтеся, единомысленныя сестры, трием добродетелем тезоименитыя; радуйтеся, в повиновении богомудрей матери вашей на степени совершенствования вшедшия.
Радуйтеся, аки три райския ветви, в зловернем Риме возрасшия; радуйся, Софие, дщерем твоим имена добродетелей нарекшая, яже вещию исполняти научила еси.
Радуйся, Веро, верою невидимое, яко видимое, зрети нам помогающая; радуйся, в нетление облеченная.
Радуйся, Надеждо, надеждою страдания наша во юдоли скорби ослабляющая и в горняя десницею указующая; радуйся, Царствие Небесное унаследовавшая.
Радуйся, Любы, любовию Божественною блаженство безсмертныя жизни нам открывающая; радуйся, благодатию Духа Святаго осиянная.
Радуйся, Софие, сиесть премудрость, премудре дщери твоя воспитавшая; радуйся, в добродетелех веры, надежды и любве нас утверждающая.
Радуйтеся, Веро, Надеждо и Любы, купно с Софиею, материю вашею премудрою.

Кондак 2
Видящи мудрая София слуги, пришедша звати ю со дщерьми ко царю Адриану, и познавши вину призвания своего, ста со чады своими на молитву, помощи Бога просящи: по молитве же, емшеся за руце, якоже венец уплетенный, идяху вкупе, поюще Христу Богу: Аллилуйя.

Икос 2
Разум несумненный имели есте, святыя, егда бо в палаты царския введены бысте, цареви Адриану предстасте с лицем светлым, очесы веселыми и сердцем мужественным. Царь же, зря честная лица ваша неустрашенна и мудрость Софии уведев, отложи на ино время суд свой и отсла вы к некоей благородней жене, у неяже пребысте три дни, матери вашей премудрей богодухновенными словесы день и нощь вас поучающей. Темже ублажающе вас, взываем сице:
Радуйтеся, три непорочныя агницы Христовы, венец добродетелей в себе совокупившия; радуйтеся, три добродетельныя сестры, твердую веру, несумненную надежду и нелицемерную любовь ко Господу Богу явившия.
Радуйтеся, не пощадившия красоты и младости вашея, Краснейшаго ради добротою паче сынов человеческих; радуйся, Софие, чада твоя возлюбленная на подвиг мученический за Христа наставлявшая.
Радуйся, Веро, мучением за Христа веру твою исповедавшая; радуйся, сестры твоя крепкою верою воздвизавшая.
Радуйся, Надеждо, твердое надеяние на Христа возлагавшая; радуйся, сестры твоя неослабною надеждою укреплявшая.
Радуйся, Любы, муками за Христа любовь твою действенную показавшая; радуйся, сестры твоя огнем любве ограждавшая.
Радуйся, Софие, сладкая чада твоя увещававшая презрети славу и богатство и всю сладость мира сего тленнаго; радуйся, добрыя дщери твоя до крове стати за Господа и умрети за Него усердно учившая.
Радуйтеся, Веро, Надеждо и Любы, купно с Софиею, материю вашею премудрою.

Кондак 3
Силою Божественною осенени бяху мученицы, яже добродетели имен своих явиша делом в подвизех мученических, воспевающе Богу: Аллилуйя.

Икос 3
Имуще в себе святыя мученицы столп веры, криле надежды и огнь любве, в сладость послушающия от словес матере своея, едина другую в долготерпении утверждаху и радостно идяху, желающе честнаго мученичества, еже за Христа. Тому покланяющеся, яко Богу нашему, сицевыми вас воззваньми почитаем:
Радуйтеся, ни мало не поскорбевшия о лишении временнаго сего живота вечныя ради жизни; радуйтеся, чести ради Христовы плоть на муки предавшия.
Радуйтеся, три многоценныя сосуды веры, надежды и любве Богу в дар принесшия; радуйся, Софие, яко, любве ради презельныя ко дщерям твоим, всем сердцем возжелела еси, да Царствие Божие наследуют.
Радуйся, Веро, души наша верою озаряющая; радуйся, к тихому пристанищу нас возносящая.
Радуйся, Надеждо, сердца наша сладостию надежды оживляющая; радуйся, из пучины отчаяния нас извлекающая.
Радуйся, Любы, страдания и скорби наша в радость прелагающая; радуйся, окамененная сердца наша во умиление преводящая.
Радуйся, Софие, мудростию на благое нас наставляющая; радуйся, потемненное око душ наших просвещающая.
Радуйтеся, Веро, Надеждо и Любы, купно с Софиею, материю вашею премудрою.

Кондак 4
Буря ярости мучителевы нападе на тя, святая Веро, но не поколеба тя: кто бо возможет веру неодолимую подвигнути, адаманта крепчайшую, яже верных научила есть пети с тобою Богу: Аллилуйя.

Икос 4
Слышащи мудрая мати дщери своя пред царем небоязненно Христа исповедающия и глаголющия, яко того единаго желают, еже бы страдати и терпети горкия муки сладкаго ради Иисуса Христа, радовашеся вельми и моляше Бога, да укрепит я в предлежащих муках. Сие убо изволение похваляюще, первейшей дщери мудрыя матере тако воспоем:
Радуйся, Веро, немилосердая биения Сладчайшаго ради Иисуса сладце приемшая; радуйся, урезанная сосца твоя, аки два крина чистоты, в жертву Господу принесшая.
Радуйся, яко от язвы твоея вместо крове млеко истече; радуйся, яко на раскаленное железо положена была еси.
Радуйся, яко в коноб кипящ ввержена сущи, ни мало не опалилася еси, ниже вредилася еси; радуйся, зной страстей наших небесною прохладою утишающая.
Радуйся, огнь мучений наших в болезнех угашающая; радуйся, знамением веры посреде напастей нас знаменающая.
Радуйся, щитом веры во брани со врагом нас покрывающая; радуйся, честную главу твою за Главу Церкве, Христа Бога, под мечь радостно преклоншая.
Радуйся, яко обагрением крове твоея, аки червленицею одеяна, явилася еси очесем Безсмертнаго Жениха твоего; радуйся, к желанному краю пришедшая и любимаго Спаса Господа узревшая.
Радуйтеся, Веро, Надеждо и Любы, купно с Софиею, материю вашею премудрою.

Кондак 5
Богоданным звездам уподобилися есте, Веро, Надеждо и Любы, всем бо сердцем прилепившияся ко единому вечному Животу и Красоте неизреченней, Иисусу Христу, скоро шествовасте, во еже умрети за Него и насладитися Божественнаго Его видения, поюще Ему: Аллилуйя.

Икос 5
Видевше добропобедныя сестры святую Веру радостно за Христа пострадавшу, и сами хотяху души своя за Него положити: царь же Надежду святую начат испытовати, и видев ю с сестрою единомысленну сущу, на муки вдаде ю, обаче ничтоже успе. Мы же, Надежду святую о сицевом ея мудровании ублажающе, воспоим и прославим ю:
Радуйся, Надеждо, жестоко биенная, обаче пресветлую надежду на Господа не потерявшая; радуйся, муки твоя безропотно в молчании терпевшая.
Радуйся, и нам крепкое терпение подающая; радуйся, яко в разжженней пещи неопаляема бывши, хвалу Богу возсылала еси.
Радуйся, яко и нас во страданиих хвалити Бога научаеши; радуйся, яко ногтьми железными строгана была еси.
Радуйся, нас, сущих в скорбех, лучами надежды осиявающая; радуйся, яко чудное некое благоухание от язв твоих исхождаше.
Радуйся, непоколебимое упование на Господа Иисуса неизменно сохраншая; радуйся, безнадежность и безсилие в сердцах наших истребляющая.
Радуйся, мечное посечение за Христа радостно приимшая; радуйся, ясная деннице, нам, печальми земными угнетенным, мир вечный раскрывающая.
Радуйтеся, Веро, Надеждо и Любы, купно с Софиею, материю вашею премудрою.

Кондак 6
Проповедником и Апостолом Богоносным подобны бысте, Богомудрыя сестры: добродетельми бо вашими проповедасте всем верным веру, надежду и любовь ко Господу, Владыце всех, Тому поюще: Аллилуйя.

Икос 6
Возсияла еси, аки солнце, Любы святая, кто бо сице за возлюбленнаго Господа своего можаше стати, якоже Любы, понеже писано есть: крепка яко смерть любы, вода многа не может угасити любве, и реки не потопят ея. Молим ти ся ныне, Любы святая, серафимским пламенем любве ко Господу горящая, обнови окамененная и изсохшая сердца наша, возжги в нас, оскудевших любовию, свет любве, да возлюбльше Господа и вся ближния наша, тебе яко молитвенницу нашу, восхвалим сице:
Радуйся, Любы, яко любве твоея ко Христу води многи прелестей мирских не угасиша; радуйся, яко вся ласкания и дары царевы отвергши, душу твою за Господа положила еси.
Радуйся, яко любве твоея реки бед и страданий не потопиша; радуйся, за Господа Иисуса на колеси протягнутая, жезлием биенная, свердлами прободенная и в пещь огненную вверженная.
Радуйся, яко в лютых муках твоих силою Божиею укрепляема была еси; радуйся, кровию твоею, любве ради к Безсмертному Жениху твоему Христу излиянною, в хладных сердцах наших любовь возбуждающая.

Радуйся, яве показавшая нам, яко любве ради вся мучения сладце претерпеваются; радуйся, явившая нам, яко любы Божественная приводит к животу вечному.
Радуйся, самою вещию уверившая, яко любы Божественная откровение есть безсмертия; радуйся, яко никаяже мучительства возмогоша разлучити Любовь от любве Христовы.
Радуйся, в муках апостольски вещавшая, яко не разлучит тя от любве Божия ни скорбь, ни теснота, ни гонение, ни глад, ни нагота, ни беда, ни меч; радуйся, любве ради Христовы мечем во главу усеченная.
Радуйтеся, Веро, Надеждо и Любы, купно с Софиею, материю вашею премудрою.

Кондак 7
Хотяще скорее от тела разлучитися и со Христом быти, святыя девы, егда на мечное посечение идяху, едина другую и матерь свою Софию объемлюще лобызахуся, дружескому нас люблению поучающе, да вси купно поем Богу: Аллилуйя.

Икос 7
Новое чудо показа Господь, егда помощь Свою посла страдавшим за исповедание имене Его толико юным девам: верою бо, надеждою и любовию укрепляеми и возносими бывше, доблественне подвиги своя скончаша. Мы же в единомыслии и единодушии до конца живота пребывших молим вас, да и нам низпослете единомыслие в совершении добрых дел, умиленно величающим вас:
Радуйтеся, Веро, Надеждо и Любы, единем путем мучений до врат небесных шедшия; радуйтеся, в пресветлый чертог прелюбезнаго Жениха вашего во гласе радования вшедшия.
Радуйтеся, яко Иисус Христос просвети, якоже звезды на небеси, раны на телесех ваших; радуйся, Софие, доблественне на муки чад твоих взиравшая.

Радуйтеся, яко небесною красотою, еяже око не виде, украси Господь доброту вашу, муками отъятую; радуйтеся, венцы воздаяния приемшия.
Радуйтеся, аки три звезды, Солнцем правды озаренныя; радуйся, Софие, в мужественнем исповедании дщерьми твоими имене Христова утешение велие обретшая.
Радуйтеся, мглу сомнений наших разсеявающия; радуйтеся, нас удрученных страданьми душевными и телесными, подкрепляющия.
Радуйтеся, красотою любве сердца наша украшающия; радуйся, Софие, крепосте и утешение изнемогающих в бедах и нуждах.
Радуйтеся, Веро, Надежно и Любы, купно с Софиею, материю вашею премудрою.

Кондак 8
Странное и непонятное нам немощным, в мирских сластех погрязнувшым, зрим дело, яко София святая возлюбленных чад своих видящи лютыя и горькия муки и смерти, ни мало не поскорбе, но возрадовася зело духом, поющи Богу: Аллилуйя.

Икос 8
Вся бе в вышних мудрая София, егда дщери своя сладкими словесы и мудрыми увещаньми на мучения подвизаше. Аще же от естества к слезам преклоняшеся абие, от любве Христовы прелагашеся на радость, печаль бо сердечную и болезнь о чадех матернюю победи в ней любы Божия. Велиею убо любовию дщери своя любящи, паче всего тем Царствия Небеснаго желаше. Сего ради, чудящеся мудрости и велицей любви твоей ко дщерем и славяще тя, взываем:
Радуйся, Софие, яко возвеселися душа твоя о блаженней кончине дщерей твоих, святое имя Господа дерзновенно исповедавших; радуйся, в мученичестем венчании чад твоих честь и славу принявшая.
Радуйся, участия мученическаго и спребывания со дщерьми в небесней славе Христа Бога сподобльшаяся; радуйся, честная телеса дщерей твоих с радостными слезами погребшая.
Радуйся, три дни гробу их приседевшая и сном смерти о Господе почившая; радуйся, аще и не плотию, обаче сердцем за Христа страдавшая.
Радуйся, яко три добродетельныя дщери, сими веру, надежду, любовь к Богу явивши, в дар Пресвятей Троице принесла еси; радуйся, яко чадородия ради спаслася еси.
Радуйся, дивная мати, благия памяти достойная; радуйся, дщери твоя, да кровь свою за Христа пролиют, молившая.
Радуйся, умудряющая ны, да блюдем непреложно добродетели веры, надежды и любве; радуйся, Животворящей Троице за ны молящаяся.
Радуйтеся, Веро, Надеждо и Любы, купно с Софиею, материю вашею премудрою.

Кондак 9
Вси Ангели дивляхуся о страданиих ваших, святыя мученицы, и победу вашу над диаволом торжествующе, души же ваша к Небеси провождающе, воспеваху Христу Богу: Аллилуйя.

Икос 9
Витии велеречивии вся страдания ваша за Христа не возмогут изрещи, дивящеся же толиким подвигом, во младых летех подъятым, немотствуют. Мы же о честней кончине вашей Бога прославляюще, величаем вас сице:
Радуйтеся, Веро, Надеждо и Любы, поющия хвалу Богу, на небо небесе возшедшему; радуйтеся, щите веры, броне надежды и светильниче любве.
Радуйтеся, зрением пресветлаго лица Божия наслаждающияся; радуйся, Софие, благочестивыя матери на мудрое воспитание чад их наставляющая.
Радуйтеся, поучающия ны, да взыщем Господа, и жива будет душа наша; радуйтеся, с верою, надеждою и любовию прибегающих к вам теплыя молитвенницы.
Радуйтеся, вразумляющия ны, яко вся сладость и прелесть мира сего яко дым изчезает, яко прах от ветра разметается и в персть обращается; радуйся, Софие, всем сердцем Господа Бога возлюбльшая.
Радуйтеся, аки трие светлии ключи, ко единому Источнику жизни притекшии; радуйтеся, аки трие благовоннии цвети, на единей благоплодней ветви прозябшии.
Радуйтеся, аки три зерцала, безпредельную красоту Божию в себе отражающая; радуйся, Софие, аки маслина, три ветви, отягченныя изобильными плоды даров Божиих, произрастшая.
Радуйтеся, Веро, Надеждо и Любы, купно с Софиею, материю вашею премудрою.

Кондак 10
Спасти хотяще души своя святыя мученицы, любве ради Христовы ласкания царева и богатства мира сего тленнаго презреша и радостно кончину мученическую за Христа прияша, поюще Ему: Аллилуйя.

Икос 10
Стенами веры, надежды и любве являются святыя мученицы всем, прибегающим к ним с теплою и усердною молитвою и сице в печалех и напастех к ним взывающим:
Радуйтеся, язв греховных добрыя целительницы; радуйтеся, во тьме печали нашея светом упования ны озаряющия.
Радуйтеся, посреде напастей и скорбей дивный покой нам посылающия; радуйся, Софие, о нас, в злостраданиих поверженных, мудрое попечение являющая.
Радуйся, Веро, крест спасения пред нами воздвизающая; радуйся, немощи наша по молитвам к тебе изцеляющая.
Радуйся, Надеждо, якорь избавления нам подающая; радуйся, уныние сердец наших благостно отъемлющая.
Радуйся, Любы, твоим ко Господу ходатайством в злей напасти от нечаянныя смерти ны ограждающая; радуйся, изнемогающия силы наша на бодрость возставляющая.
Радуйся, Софие, прилежная о нас к Богу молитвеннице; радуйся, в добрех делех наших мудрая наставнице.
Радуйтеся, Веро, Надеждо и Любы, купно с Софиею, материю вашею премудрою.

Кондак 11
Пение сие похвальное, аще бы и тмочисленное приношахом вам, святыя мученицы, не бы довлело ко прославлению добродетелей и подвигов ваших: обаче хвалу Богу возсылающе за вся, яже во святых Своих нам являет, Тому поем: Аллилуйя.

Икос 11
Светом небесным пред Господем горящим свещам подобны Вера, Надежда и Любы, купно с материю их Софиею, к нимже припадаем, моляще, да просветят ны, омраченныя печальми и из глубины сердец зовущия:
Радуйтеся, ризы ваша в крови Агнчи на земли убелившия; радуйтеся, живота вечнаго нам ходатаицы.
Радуйтеся, душ, ищущих покоя в милосердии Божии, утверждение и хранение; радуйся, Софие, от суеты мирския ны ограждающая.
Радуйся, Веро, доброценная кадильнице, фимиам хвалы Богу возносящая; радуйся, нас грешных верою просвещающая.
Радуйся, Надеждо, в скорби утешение и прибежище наше; радуйся, в печалех наших лучезарная вестнице избавления.
Радуйся, Любы, незлобие и кротость в сердца наша вливающая; радуйся, таинственная звездо, от тесноты земныя горе ны возносящая.
Радуйся, Софие, мудрая и пречестная детоводительнице; радуйся, богомудраго жития молящимся ти устроительнице.
Радуйтеся, Веро, Надеждо и Любы, купно с Софиею, материю вашею премудрою.

Кондак 12
Благодать Божию прияти сподобившияся, молите о нас, святыя мученицы, Пречистаго Владыку Христа, да милостив будет к нам грешным, с верою, надеждою и любовию Ему Единому, Господу и Спасу нашему, смиренно поющим: Аллилуйя.

Икос 12
Поем ваша крепкия подвиги, верою, надеждею и любовию проникновенныя, почитаем страдания ваша презельная, хвалим дивное терпение ваше, ублажаем кончину, за Христа вами радостно подъятую, величаем необоримое мужество ваше, святыя мученицы Веро, Надеждо и Любы, и мудрая мати Софие, и прославляюще вас, взываем сице:
Радуйтеся, аки три струи молниины, от восток даже до запад добродетельми своими просиявшия; радуйтеся, фиали веры, надежды и любве, животворным питием души наша напаяющии.
Радуйтеся, трие светозарнии путие, ко престолу славы Господни нас ведущии; радуйся, Софие, чад ради твоих от лика святых похваленная.
Радуйся, Веро, цвете веры, паче снега белейший; радуйся, услаждение страждущих.
Радуйся, Надеждо, угнетенных сердец возношение; радуйся, аки поток цельбоносный, жажду скорбящих душ утоляющая.
Радуйся, Любы, венче из мира, радования и благости соплетенный; радуйся, умная зарнице вечности.
Радуйся, Софие, жезле силы, кротце и мудре чада наказуяй; радуйся, Боговедения пресветлая луче, душам нашим возсиявающая.
Радуйтеся, Веро, Надеждо и Любы, купно с Софиею, материю вашею премудрою.

Кондак 13
О святыя и достохвальныя мученицы Веро, Надеждо и Любы, и мудрая мати Софие, ныне приемше малое сие моление наше, от всяких ны бед, болезней и скорбей молитвами вашими избавите, да сподобльшеся во Царствии Небеснем зрети безсмертнаго Господа Иисуса, с вами вкупе воспоем Ему: Аллилуиа.
Этот кондак читается трижды, затем 1-й икос «Ангели на Небеси...» и 1-й кондак «Избранным рабам...».