Молитва Пресвятой Богородице перед иконой «Неупиваемая чаша». об излечении от пьянства

Молитва Пресвятой Богородице перед иконой «Неупиваемая чаша». Верующие молятся об излечении от пьянства своих близких
О премилосердная Владычице! к Твоему заступлению ныне прибегаем, молений наших не презри, но милостиво услыши нас: жен, детей, матерей; и тяжким недугом пьянства одержимых и того ради от матере своея - Церкве Христовы и спасения отпадающих братии и сестер и сродник наших исцели.
О милостива Мати Божия, коснися сердец их и скоро возстави от падений греховных, ко спасительному воздержанию приведи их. Умоли Сына Своего, Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвении и целомудрии.
Приими, Пресвятая Богородице, молитвы матерей, о чадех своих слезы проливающих, жен, о мужех своих рыдающих, чад сирых и убогих заблудшими оставленных, и всех нас, к иконе Твоей припадающих. и да приидет сей вопль наш молитвами Твоими ко престолу Всевышняго.
Покрый и соблюди нас от лукаваго ловления и всех козней вражиих, в страшный же час исхода нашего помози пройти непреткновенно воздушный мытарства, молитвами Твоими избави нас вечнаго осуждения, да покрыет нас милость Божия в нескончаемый веки веков. Аминь.
Избранное и дивное избавление нам даровася - Твой образ честный, Владычице Богородице, яко избавлыиеся явлением его от недугов душевных и телесных и скорбных обстояний, благодарственная хваления приносим Ти, Всемилостивая Заступнице. Ты же, Владычице, Неупиваемою Чашею нами именуемая, приклонися благоутробно к нашим воздыханием и воплем сердечным, и избавление подаждь страждущим недугом пианства, да с верою воззовем Ти:
Радуйся, Владычице, Неупиваемая Чаша, духовную жажду нашу утоляющая.